Një zjarrfikës ka humbur jetën në Krushevë të Klinës. Vdekjen e tij e ka konfirmuar për RTK-në, Ejup Zenuni komandanti i njësisë profesionale zjarrfikëse dhe shpëtim në Klinë.
Zjarrfikësi ka ndërruar jetë në krye të detyrës, kurse komandanti i njësisë profesionale zjarrfikëse dhe shpëtim në Klinë, Ejup Zenuni nuk ka dhënë detaje të tjera, duke theksuar se është një rast i rëndë për ta.
Vdekjen e zjarrfikësit e ka konfirmuar edhe policia. Sipas policisë, zjarrfikësi ka shkuar të intervenojë në një zjarr dhe më pas është rrëzuar në tokë. Kurse vdekjen e tij e ka konstatuar mjeku në Qendrën e Mjekësisë Familjare.
“Rreth orës 13:50 stacioni policor ka pranuar një informatë për një zjarrvënie në Krushevë të Vogël të Klinës. Në vendngjarje menjëherë kanë dalë njësitet policore si dhe zjarrfikësit. Në kohën kur zjarrfikësit kanë filluar të intervenojnë, njëri nga zjarrfikësit është rrëzuar në tokë. Ai është dërguar në Qendrën e Mjekësisë Familjare, ku mjeku kujdestar ka konstatuar vdekjen e tij”, thuhet në njoftimin e policisë.
