Policia e Kosovës ka sekuestruar dy armë zjarri, njërën në Suharekë dhe tjetrën në Prizren, të dyja raste të shkrepjeve në ahengje familjare.
Rasti në Prizren ka ndodhur rreth orës 22:20 në rrugën “Fadil Morina”, teksa i dyshuari është ndaluar për 48 orë për veprën penale “Mbajtja në pronësi, kontroll ose posedim të paautorizuar të armëve”.
“Njësitet policore menjëherë ju kanë përgjigjur rastit, kanë dalë në vendin e ngjarjes dhe e kanë lokalizuar të dyshuarin S.B (viti i lindjes 1985), mashkull, kosovar shqiptar, të njëjtit i është gjetur dhe sekuestruar ne cilësinë provave materiale një armë me një karikatorë, katër fishekë dhe tri gëzhoja”, njofton policia.
Ndërkaq, rasti në Suharekë ka ndodhur në fshatin Krushicë, ku i dyshuari gjithashtu është në mbajtje për veprën e njëjtë penale.
“Reagimi policor ishte menjëhershmet, njësitet kanë dalë në vendin e ngjarjes, kanë lokalizuar të dyshuarin J.K (viti i lindjes 1994), mashkull, kosovar shqiptar, të njëjtit i është gjetur dhe sekuestruar në cilësinë provave materiale një armë me një karikatorë dhe 100 fishekë”, njofton policia.
