Në një analizë të detajuar të incidentit të fundit që përfshin presidenten, Myzejene Selmani, vë në dukje çarjen midis partnerëve të qeverisë dhe imazhin e keq që po reflektohet mbi vendin.
Ajo thekson se “Presidentja, nuk tregoi një të vërtetë që në çfarë cilësie ka udhëtuar. Nëse ajo, siç thuhet në media, ka udhëtuar privatisht, atëherë ajo është dashur sipas linjës zyrtare t’i njoftojë organet maqedonase, që t’i sigurojnë përcjellje ashtu siç parashihet nga kufiri deri në aeroport.”
Për më tepër, Selmani tërheq vëmendjen mbi deklaratat e kryeministrit maqedonas lidhur me sjelljet e zyrtarëve të tij.
“Sjellja e saj, çojë në një ligjëratë të kryeministrit maqedonas duke treguar se si ministrat e tij udhëtojnë zyrtarisht, përmes hyrjes së rëndomtë e jo përmes hyrjes VIP.”
Në përfundim, Selmani thekson nevojën për një qasje më të matur nga udhëheqësit kosovarë.
“Ky duhet të jetë një leksion për pushtetarët që mos të sillen në situata negative dhe duke lënë një imazh të keq me veprime ‘VIP’, të një vendi ku situata ekonomike është alarmante, ku të rinjtë dhe të rejat çdo ditë po e braktisin Kosovën.”
Ky incident tregon për rëndësinë e shmangies së sjelljeve që mund të dëmtojnë imazhin e Kosovës në skenën ndërkombëtare. /Kosovatimes/
