Cole Palmer pritet të qëndrojë në “Stamford Bridge” deri në vitin 2033.
Kjo pasi Chelsea ka nënshkruar një kontratë të re me reprezentuesin anglez, i cili ishte nën kontratë deri në qershor 2031, por ka zgjatur kontratën për dy sezone të tjera, duke siguruar një rritje të konsiderueshme të pagës.
Palmer, i cili u transferua nga Manchester City një vit më parë, ia doli të shndërrohet shpejt në forcën kryesore të sulmit te Chelsea, duke qenë një nga futbollistët më të mirë në Premier League sezonin e kaluar, duke përfunduar i dyti në renditjen e golashënuesve. Gjatë sezonit të kaluar, ai ka shënuar njëzet e dy gola në Premier League dhe ka asistuar në njëmbëdhjetë raste.
