Sekretari amerikan i Shtetit Antony Blinken miratoi të martën shitjen e mundshme të avionëve luftarakë dhe pajisjeve të tjera ushtarake Izraelit me vlerë më shumë se 20 miliardë dollarë. Këtë e ka bërë të ditur Pentagoni.
Një deklaratë nga Departamenti i Mbrojtjes i SHBA thotë se vetë avioni dhe komponentët e tyre kushtojnë rreth 19 miliardë. Predhat e tankeve me vlerë 774 milionë dollarë dhe automjetet e ushtrisë me vlerë 583 milionë dollarë morën miratim gjithashtu. Predhat e tankeve do të jenë gati për përdorim menjëherë pas dorëzimit te blerësi.
SHBA-ja e ka mbështetur fuqishëm Izraelin pasi aleati i saj kryesor në Lindjen e Mesme lufton një luftë në Rripin e Gazës që ka shkatërruar enklavën palestineze. Lufta u provokua nga një sulm i militantëve të Hamasit më 7 tetor në jug të Izraelit, shkruan Reuters.
Ndërsa miratonte furnizimet me armë për Izraelin, Uashingtoni u përpoq gjithashtu të negocionte një armëpushim në Rripin e Gazës. Kjo potencialisht do të parandalonte një luftë më të gjerë në Lindjen e Mesme.
