Shkruan: Gjon KEKA
Kosova është shtet që ka si garant dhe si mbrojtës ShBA, vendet aleate apo mike evropiane dhe NATO-n.
Duke ditur se marrëdhëniet e Kosovës me ShBA janë më tepër se marrëdhënie të dy shteteve ,janë marrëdhënie në mes të shpëtimtarit dhe të shpëtuarit, apo në mes të një garantuesi të shtetësisë dhe të ardhmes së Kosovës.
Kosova si në kohë lufte ashtu edhe në kohë paqeje e pati në krah ShBA dhe vendet mike evropiane e NATO-n,edhe tani pas shpalljes së Pavarësisë ato janë garantuesit dhe mbrojtësit e lirisë, paqes dhe shtetësisë së Kosovës.
Duke ditur se Kosova nuk është pranuar ende ne OKB, Këshillin e Evropës, NATO, në BE dhe organizatat tjera të rëndësishme ndërkombëtare nuk mund të bëjë gjëra si brenda ashtu edhe jashtë saj pa mbështetjen dhe koordinimin me garantuesit e shtetit të Kosovës sikur janë ShBA ,vendet mike evropian, NATO etj.
Çdo veprim ,apo lëvizje që ka për qëllim forcimin e shtetësisë së Kosovës duhet të bëhet në bashkëpunim apo me mbështetje të garantueses së Kosovës, pra ShBA dhe vendeve mike evropiane e NATO.
Pushtetarët e Kosovës nuk mund të marrin vendime në mënyrë të pakufizuar krye në vete edhe pse Kosova është e pavarur, sepse Pavarësia e Kosovës ka si mburojë ShBA dhe miqtë tjerë evropian të cilët e garantojnë atë.
Sikur dihet ShBA është sinonim i mbrojtjes së Kosovës dhe Kosova nuk duhet ta humb një mbrojtëse kaq të madhe të saj sikur është ajo.
Kosova mund të bëhet shtet me sovranitet të plotë dhe më njohje të gjerë ndërkombëtare vetëm më mbështetjen e ShBA dhe miqve tjera evropian, pa këto Kosova nuk mund të lëvizë asnjë gurë e as të forcojë dhe ta bëjë shtetësinë e saj të plotë e të përmbushur tërësisht.
Pushtetarët e Kosovës duhet të punojnë ngushtë më ShBA dhe vendet mike evropiane, respektivisht me NATO/KFOR dhe të arrijë krah për krah me këta miq e aleatë të dëshmuar të Kosovës në bërjen e Kosovës një histori suksesi të paqes, të shtetit demokratik ,të lirisë dhe e integruar në Bashkimin Evropian dhe si anëtare e NATO-s.
