Njëzet persona dyshohet se janë helmuar nga ushqimi i një furre buke. Në raportin e policisë është thënë se ngjarja ka ndodhur në komunën e Prishtinës, por më vonë është specifikuar se furra që dyshohet se u ushqyen pacientët është në fshatin Shkabaj.
Policia bën të ditur se furra është mbyllur dhe rasti po hetohet, ndërkaq mjeku kujdestar Murat Mehmeti, deklaroi për RTK-në se 16 pacientë po vazhdojnë të trajtohen në Klinikën Infektive në QKUK.
“Ditën e premte, në orët e pasditës kanë kërkuar ndihmë mjeksore në klinikën tonë 20 raste prej të cilëve 16 janë shtruar dhe vazhdojnë të jenë të shtuar në klinikën tonë për shkak të një helmimi të dyshimtë me ushqim”, ka thënë Mehmeti.
Ai ka bërë të ditur se krahasuar me dje, gjendja e pacientëve është më stabile.
