Mbrëmë përfundoi me sukses edicioni i 14-të i “Etno Fest”, një ngjarje që ka fituar një vend të rëndësishëm në kalendarin kulturor të vendit.
“Gjatë nëntë ditëve dhe netëve të këtij festivali, artdashësit patën mundësinë të përfshihen dhe të shijojnë vlera të ndryshme, duke filluar nga ato popullore e tradicionale deri tek ato bashkëkohore”, shkroi Halimi, drejtoreshë për kulturë në komunën e Prishtinës.
Ajo shprehu falënderime të veçanta për Fadil Hysaj dhe Sheqerie Buqaj për përkushtimin dhe dashurinë që kanë treguar për të realizuar këtë event të paharrueshëm. /Kosovatimes/
