Nesër, më 21 gusht 2024, në orën 11:00, Presidentja e Republikës së Kosovës, Vjosa Osmani, do të nënshkruajë një marrëveshje granti me vlerë prej 34.5 milionë dollarësh me USAID-in.
Ky grant, pjesë e amendamentit nr. 06 për objektivat zhvillimore, do të nënshkruhet nga Presidentja Osmani dhe Mary Elieen Devitt, në emër të USAID.
Ceremonia do të zhvillohet në Kabinetin e Presidentes, ku mediat do të kenë mundësinë të marrin pamje në fillim të takimit.
Pas përfundimit të ceremonisë, Presidentja Osmani dhe ambasadori amerikan në Kosovë, Jeffrey Hovenier, do të japin deklarata për media. /Kosovatimes/
