Në prag të fillimit të vitit të ri shkollor, Ministri i Punëve të Brendshme Xhelal Sveçla, së bashku me Ministrin e Administrimit dhe Pushtetit Lokal, Elbert Krasniqi dhe Drejtorin Rajonal të Policisë në Prishtinë, Nënkolonel Basri Shabani, organizuan një aktivitet të veçantë për vetëdijesimin mbi rregullat e komunikacionit.
Fëmijët nga të gjitha komunitetet u veshën me uniforma policore dhe shërbyen si policë patrullues, duke i ndihmuar qytetarët të respektojnë sigurinë rrugore.
Ky aktivitet u zhvillua në kuadër të Drejtorisë së Policisë në Bashkësi dhe Parandalim, duke theksuar rëndësinë e rendit dhe sigurisë publike, të cilat mbeten prioritet për institucionet e vendit. /Kosovatimes/
