Drejtori i Shëndetësisë në Prishtinë, Izet Sadiku, ka njoftuar se gjatë këtij viti janë realizuar rreth 1000 vizita në shtëpi për gratë shtatzëna dhe fëmijët e moshës 0-3 vjeç.
“Këto vizita, të ofruara nga personeli shëndetësor i kujdesit parësor, kanë për qëllim mbështetjen e zhvillimit të shëndetshëm të fëmijëve dhe ofrimin e këshillave të nevojshme për nënat”, ka shkruar ai.
Sadiku falënderoi stafin shëndetësor për angazhimin e tyre të palodhshëm në ofrimin e këtyre shërbimeve të rëndësishme, dhe ftoi prindërit të pranojnë këto shërbime në shtëpitë e tyre për të garantuar një shëndet të mirë për veten dhe fëmijët e tyre. /Kosovatimes/
