Ministrja zvicerane e financave Karin Keller-Sutter deklaroi se borxhi i Shteteve të Bashkuara të Amerikës dhe Evropës paraqet rrezik për Zvicrën dhe pjesën tjetër të botës.Në një intervistë për gazetën zvicerane Blick, ajo vlerësoi financat “të disiplinuara” të Zvicrës, të cilat ajo beson se i kanë mundësuar vendit të përballet me sfidat ekonomike për shkak të pandemisë së koronavirusit dhe agresionit rus kundër Ukrainës. Nga ana tjetër, sipas saj, shtetet e tjera janë aq borxhli saqë vështirë se mund të veprojnë. Ajo vuri në dukje Francën si shembull për këtë.
Ose, shikoni Amerikën. Është një bombë me sahat. Përplasja e vogël në bursat në fillim të këtij muaji ishte një goditje paralajmëruese. Ishte një shprehje e frikës së investitorëve nga recesioni. Borxhi në SHBA dhe Evropë është një rrezik për Zvicrën dhe stabilitetin financiar ndërkombëtar”, deklaroi ajo, ministrja Keller-Sutter.
Ajo po fliste për propozimin e qeverisë që banka zvicerane UBS të mbajë më shumë kapital pasi bleu ish-konkurrentin Credit Suisse, pas dështimit të bankës vitin e kaluar. Kështu ajo arsyetoi kërkesat shtesë për të mbrojtur Zvicrën nga një tjetër kolaps bankar, raporton Reuters.
