Një skenë dramatike është regjistruar në një dasmë të mbajtur në një kishë në Pyrgos në perëndim të Greqisë, kur dhëndri dyshohet se filloi të rrihte nusen!
Sipas dëshmitarëve, sherri ka nisur kur dhëndri e ka goditur me shuplakë nusen pasi ajo i ka shkelur në këmbë gjatë ceremonisë. Mediat lokale raportuan se dhëndri u kthye drejt nuses dhe e goditi me grusht në fytyrë. Më pas të afërmit e saj sulmuan dhëndrin dhe pasoi një zënkë e përgjithshme.
Portali lokal Patris raporton se drama ka ndodhur dhe se shumë të ftuar kanë dalë me vrap nga kisha kur ka shpërthyer një sherr. Dyshohet se ka ardhur edhe policia ndërsa nuses së cilës i ka rënë të fikët në një moment është dërguar në spital nga tronditja.
Nusja u deklarua për mediat vendase një ditë më vonë.
– Nuk është e vërtetë që më goditi në fytyrë, na hoqi kurorat dhe më pas më shtyu dhe u largua nga tempulli i shenjtë – tha nusja për portalin Patria dhe shtoi se dasma dhe pagëzimi i fëmijës së tyre vazhdoi.Avokati i çiftit, Nikos Panagopoulos, deklaron se dhëndri ka kërkuar falje, pas së cilës ceremonia ka vazhduar.
