Policia malazeze është në kërkim të 59-vjeçarit RD, shtetas i Serbisë me vendbanim të përkohshëm në Gjermani, i cili dyshohet se ka goditur me grusht një person në Ulqin i cili më pas ka ndërruar jetë, njofton Drejtoria e Policisë.
Më 22 gusht pas mesnate në policinë e Ulqinit është raportuar se në lagjen Donji Štoj ka pasur një konflikt verbal e më pas edhe fizik mes dy personave, njëri prej të cilëve ka pësuar lëndime në kokë, portalanalitika.
“Me të mbërritur në vendngjarje, një person është gjetur i shtrirë në sipërfaqen e asfaltit me lëndime të dukshme në pjesën e kokës. Është konstatuar se ka qenë MM (62), i cili është dërguar për të kërkuar ndihmë mjekësore”, thuhet në njoftimin e policisë.
Menjëherë pas ngjarjes, sulmuesi është larguar nga vendi i ngjarjes me një mjet, ndërsa policia, ka thënë ajo, ka ndërmarrë veprime në kuadër të juridiksionit të saj për të përcaktuar të gjitha faktet dhe rrethanat në të cilat ka ndodhur ngjarja.
Policia ka identifikuar dhe siguruar prova kundër të dyshuarit RD (59) nga Serbia me vendbanim të përkohshëm në Gjermani, i cili është duke u kërkuar intensivisht.
Viktima iu nënshtrua plagëve të marra sot në Qendrën Klinike të Malit të Zi.
Prokurori në Prokurorinë e Lartë të Shtetit në Podgoricë, veprën penale e ka cilësuar si lëndim të rëndë trupor, me pasojë vdekjen e të dëmtuarit.
