Në përvjetorin e lindjes së Shën Nënë Terezës, Sibel Halimi, drejtore e Drejtorisë për Kulturë në Prishtinë, mbajti një fjalim emocionues, duke nderuar jetën dhe veprën e shenjtores së humanizmit.
Halimi theksoi rëndësinë e dashurisë dhe empatisë në një botë që po humb arsyen, duke rikujtuar mesazhin e paqes dhe drejtësisë që Nënë Tereza përfaqësonte.
“Ajo ishte një luftëtare e vërtetë për njerëzit e braktisur nga atdhetë, fetë dhe kombet e tyre,” tha Halimi, duke shtuar se Nënë Tereza frymëzoi miliona njerëz në mbarë botën me punën dhe përkushtimin e saj. “
Ne s’mund të bëjmë dot gjëra të mëdha, vetëm gjëra të vogla me dashuri të madhe,” përmbylli Halimi, duke cituar fjalët e shenjtores.
Me këtë mesazh, Halimi apeloi për të ndjekur shembullin e Nënë Terezës dhe për të punuar për një botë më të mirë për të gjithë. /Kosovatimes/
