Qendra Kinematografike e Kosovës vazhdon mbështetjen për PriFest, në vazhdën e mbështetjes së industrisë vendore të filmit.
“QKK do të jep 2 çmime për zhvillim të projektit në garën e projekteve Best Pitch që mbahet brenda platformës rajonale të industrisë filmike të PriFestit – PriForum”, ka njoftuar institucioni kinematografik.
Po ashtu, QKK do të jetë nikoqir i pritjes në hapje të PriFest-it me filmin bashkëprodhim i Kosovës dhe Malit të zi ‘Lejlek’ nga Isa Qosja.
Edicioni i 16-të i “PriFest” do të mbahet nga 10 deri më 15 shtator. Në këtë edicion do të shfaqen 20 filma premierë në kategori të ndryshme filmike.
