Dy aksidente me fatalitet kanë ndodhur brenda një dite në Kosovë.
Një rast ndodhi në Gjilan, ku është goditur për vdekje një këmbësor.“Raportohet se i dyshuari mashkull kosovar derisa ishte duke e drejtuar automjetin e tij duke mos iu përshtatur kushteve të rrugës, e godet këmbësorin viktimën mashkull kosovar, ku si pasojë viktima nga lëndimet e marra ka ndërruar jetë, vdekjen e viktimës e ka konstatuar mjeku kujdestar. Lidhur me rastin i dyshuari është arrestuar dhe me vendim të prokurorit është dërguar në mbajtje, ndërsa trupi i pajetë është dërguar në IML për obduksion”.
Dhe rasti i dytë u regjistrua në Sllatinë, ku si pasojë e një vetaksidenti vdiqën dy persona.
“Ka ndodhur një vet-aksident trafiku ku një veturë me targa vendore të cilën e drejtonte një mashkull kosovar, dyshohet se si pasojë e mos përshtatjes së shpejtësisë së lëvizjes, humb kontrollin e automjetit dhe përfundon jashtë rrugës e rrokullisur. Lidhur me rastin ekipi mjekësor ne vendin e ngjarjes ka konstatuar vdekjen e drejtuesit të automjetit, po ashtu si pasojë e aksidentit lëndime trupore kanë pësuar edhe tri femra kosovare, ku njëra ka ndërruar jetë në QKUK Prishtinë. Në vendin e ngjarjes kanë dalë të gjitha njësitet përkatëse dhe prokurori. Trupat e pajetë me vendim të prokurorit dërgohen në IML për obduksion”, thuhet në raportin e policisë.
