Kosova shkëlqeu në Kampionatin Ballkanik për të rritur në xhudo, i cili u mbajt në Sarajevë, duke fituar pesë medalje nën drejtimin e përzgjedhësit të Kosovës, Driton Kuka. Ekipi i udhëhequr nga Fatos Tabaku tregoi performanca të jashtëzakonshme në garat individuale.
Flaka Loxha triumfoi në kategorinë deri në 57 kg, duke fituar medaljen e artë. Suksesin e saj e ndoqi Debora Gjakova, e cila fitoi medaljen e artë në kategorinë deri në 63 kg. Në kategorinë deri në 52 kg, Erza Muminoviqi arriti të fitojë medaljen e argjendtë, ndërsa Dardan Cena mori medaljen e argjendtë në kategorinë deri në 73 kg. Muhamedin Veseli fitoi medaljen e bronztë në kategorinë deri në 66 kg.
Këto rezultate janë një tjetër dëshmi e rritjes së vazhdueshme të xhudos kosovare dhe angazhimit të sportistëve për të përfaqësuar Kosovën me sukses në arenat ndërkombëtare.
Trajneri Driton Kuka dhe ekipi i tij vazhdojnë të frymëzojnë brezat e rinj, duke sjellë krenari për Kosovën.
Kosova dhe xhudoja ecin tutje, duke synuar rezultate edhe më të mëdha në të ardhmen. /Kosovatimes/
