Në Bjeshkën e Belegut, me rastin e 53-vjetorit të lindjes të heroit të kombit, Bahri Fazliu, u vendos pllaka përkujtimore. Për trimërinë e Bahriut dhe veprimtarinë e tij patriotike folën bashkëluftëtarë e bashkëveprimtarë të tij.
Në 53-vjetorin e lindjes së intelektualit dhe atdhetarit të madh Bahri Fazliu në Bjeshkën e Belegut, pak kilometra larg trekufirit shqiptar, në vendin ku ra përjetësisht, u bë zbulimi i pllakës së tij përkujtimore. Bashkëluftëtarë e bashkëveprimtarë gjithandej trojeve shqiptare e nderuan veprën dhe heroizmin e luftëtarit të paepur të UÇK-së, Bahri Fazliu.
Ndërkaq bashkëluftëtari Shkumbin Demaliaj evokoi momente nga beteja në të cilën atë ditë u përjetësua Bahriu, për të shtuar se edhe humbjet që i shkaktuan armikut nuk ishin të vogla.
Heroi i Kosovës, Bahri Fazliu, ra heroikisht më 7 maj 1998 në njërën nga betejat e lavdishme të Ushtrisë Çlirimtare të Kosovës.
