Një person është sulmuar fizikisht nga dy të dyshuar në Mamushë.
Dyshohet se motivet e sulmit ishin për borxh, teksa ata e kanë nxjerrë nga vetura e tij dhe e kanë futur viktimën në veturën e tyre.
“Pastaj e dërguan në oborrin e shtëpisë së tyre dhe të njëjtin e kanë sulmuar fizikisht. Viktima për shkak të lëndimeve është dërguar për tretman mjekësor në spitalin rajonal”, njofton policia.
Të dyshuarit pas intervistimit me vendim të prokurorit janë dërguar në mbajtje.
