Policia e Kosovës ka kërkuar bashkëpunimin e qytetarëve për identifikim të një personi të dyshuar për grabitje në Prishtinë.
Në njoftimin e Policisë thuhet se Sektori i Hetimeve të Kryeqytetit, me autorizim nga prokuroria kompetente, kërkon ndihmë nga qytetarët në ofrimin e informatave, të cilat do të ndihmonin në identifikimin dhe arrestimin e personit që shihet në fotografi.
I dyshuari kërkohet për përfshirje në grabitje.
“Të nderuar, për çdo informatë që mund të çojë në identifikimin e personit apo vendndodhjes së tij kontaktoni policinë në numrin e telefonit: 192”, thuhet në njoftim. /Kosovatimes/