Nënkryetari i Prishtinës, Alban Zogaj, ka shprehur shqetësim dhe keqardhje të jashtëzakonshme për rastin e sulmit të sotëm të qenëve endacak ndaj një qytetari. Në këtë kontekst, ai njoftoi për hapjen e qendrës për kafshët e pastreha në Kryeqytet, një iniciativë e rëndësishme për trajtimin më human të kafshëve në nevojë.
“Qendra veterinare, e licencuar nga AVUK, ka kryer operacionin e parë për një qen endacak dhe do të ofrojë shërbime për kastrim, sterilizim, vaksinim si dhe strehim dhe përkujdesje për qentë endacak. Ky hap pritet të ndihmojë në zvogëlimin e numrit të qenve në hapësirat publike dhe të përmirësojë sigurinë për qytetarët”, ka shkruar ai.
Zogaj ka thënë se, përkushtimi i qendrës ndaj trajtimit etik të kafshëve garanton kujdes të mirëfilltë për qentë që kanë jetuar në kushte të vështira. /Kosovatimes/
