Lëngu i portokallit është në krye të listës së lëngjeve më të konsumuara. Përveç shijes së saj të shijshme, kjo pije e njohur është e mirë edhe për shëndetin tonë.
Kur përmenden të gjitha avantazhet dhe përfitimet e kësaj pijeje , ato nënkuptojnë portokallin e saposhtrydhur dhe jo disa nga lëngjet e gatshme për t’u blerë në dyqan. Portokallet janë të pasura me vitaminë C, B dhe A, kalium, kalcium dhe fibra.
Hulumtimet e fundit të kryera nga shkencëtarët kanë treguar se ky frut është i pasur me substanca që ndihmojnë në luftimin e tensionit të lartë.
Ja pse duhet të pini lëng portokalli:
– Lëngu i portokallit është i pasur me vitaminë C, e cila ndihmon në forcimin e imunitetit.
– Personat që kanë probleme me tensionin e lartë të gjakut duhet ta konsumojnë rregullisht këtë pije sepse ndihmon në uljen e tij.
– Një nga përbërësit më të rëndësishëm të portokallit është hesperidina. Hulumtimet kanë treguar se ka një efekt pozitiv në sistemin kardiovaskular dhe ul nivelin e kolesterolit në gjak.
– Niveli i lartë i vitaminës C që gjendet në këtë frut vepron si një antioksidant. Kjo do të thotë se duke pirë rregullisht lëng portokalli të freskët të shtrydhur, ju parandaloni shfaqjen e sëmundjeve të ndryshme, përfshirë kancerin e gjirit dhe prostatës.
– Portokalli ka edhe veti anti-inflamatore. Janë këto veti që ndihmojnë në lehtësimin e dhimbjeve nëse keni problem me artritin, ngurtësimin e muskujve dhe kyçeve.
– Shkencëtarët pohojnë se antioksidantët nga portokalli ndihmojnë në humbjen e peshës. Një gotë në ditë do të ndikojë pozitivisht në metabolizmin tuaj dhe do të nxisë humbjen e yndyrës.
– Nëse jeni në një gjendje tjetër, do të ishte më se e dëshirueshme ta pini rregullisht këtë lëng. Portokallet janë burim i acidit folik, i cili ndihmon zhvillimin e duhur të trurit.
Acidi folik luan një rol shumë të rëndësishëm edhe në riprodhimin e qelizave të reja, duke përshpejtuar kështu procesin e shërimit të sëmundjeve të ndryshme, shkruan hellomagazine.
