Presidenti i Shqipërisë, Bajram Begaj, ka përkujtuar ngjarjet tragjike të 11 Shtatorit, 2001 në Nju Jork, ku humbën jetën mijëra njerëzve të pafajshëm.
Begaj, në një postim në Facebook, tha se në këtë ditë, nderojmë viktimat por edhe forcën e qëndrueshmërinë e popullit amerikan.
“Sot, kujtojmë ngjarjet tragjike të 11 Shtatorit, 2001. Njëzet e tre vjet më parë, bota u trondit nga sulmet e paimagjinueshme që morën jetën e mijëra njerëzve të pafajshëm në SHBA. Në këtë ditë, nderojmë viktimat por edhe forcën e qëndrueshmërinë e popullit amerikan. Kjo ditë shërben gjithashtu si kujtesë për luftën e vazhdueshme kundër terrorizmit”, shkruan Begaj në Facebook.
Ai tha se kërcënimi i terrorizmit nuk është zhdukur; ai nuk njeh ngjyrë apo ideologji.
“Nuk duhet të harrojmë kurrë këtë!”, ka shkuar Begaj
Kujtojmë se sulmi terrorist ndaj Kullave Binjake u krye me 11 shtator 2001 nga një grup prej 19 vetash rrëmbyes radikalë, 15 prej të cilëve ishin nga Arabia Saudite, dy nga Emiratet e Bashkuara Arabe, një nga Egjipti dhe një nga Libani.
