Përmbytjet në Nigerinë veriore kanë vrarë më shumë se 80% të kafshëve në një kopsht zoologjik të madh që ishte shtëpia e një numri speciesh të egra, duke përfshirë luanët, krokodilët, buallet dhe strucat, thanë zyrtarët e kopshtit zoologjik.
“Për shkak të përmbytjeve në vendbanimet e afërta kanë arritur kafshë të rrezikshme si krokodilat dhe gjarpërinjtë”, thuhet në deklaratën e kopshtit zoologjik Sanda Kyarimi Park lidhur me përmbytjet në shtetin federal nigerian Borno, me apel që banorët të jini vigjilentë.
Përmbytja filloi kur një digë u tejmbush pas shirave të dendur, duke detyruar mijëra njerëz të largoheshin nga shtëpitë e tyre.
Fatkeqësia goditi gjithashtu objekte të tjera kyçe në kryeqytetin e shtetit Borno, Maiduguri, duke përfshirë një zyrë postare dhe një spital, tha zyra e presidentit nigerian Bola Tinubu. Presidenti gjithashtu u bëri thirrje njerëzve që të evakuohen nga zonat më të goditura.
“Rreth 20 prej nesh jetojmë në këtë shtëpi. Unë jam këtu me anëtarët e familjes sime të gjerë. Nuk kemi asgjë – ne u transferuam në shkollë më shumë se tre javë më parë. Nuk kemi shtrat, rrjetë mushkonjash, ushqim apo para. Unë jam një fermer dhe një peshkatar, por për momentin nuk kemi çfarë të bëjmë, fëmijët janë të sëmurë dhe nuk kemi mjete për t’i çuar në spital , sipas Guardian.
Presidenti Tinubu shprehu ngushëllimet e tij të sinqerta qeverisë dhe popullit të shtetit Borno, veçanërisht familjeve që humbën mjetet e jetesës për shkak të fatkeqësisë së shkaktuar nga tejmbushja e digës Alau. Ai gjithashtu theksoi se nevojat humanitare do të adresohen sa më shpejt që të jetë e mundur.
Përmbytjet në Nigerinë verilindore muajin e kaluar morën të paktën 49 jetë, ndërsa përmbytjet katastrofike në vitin 2022 vranë më shumë se 600 njerëz.
