Policia e Kosovës njofton se ka larguar posterat me foton e Radojçiqit që u vendosën në tri komuna në veri të vendit. Posterat janë marre si prove materiale.
Policia ka konfirmuar se në tri komunat veriore, Leposaviq, Zubin Potok dhe Zveçan, persona të panjohur kanë vendosur posera me foton e kryeterroristit Milan Radojçiq.
“Raportohet se persona të panjohur, në qytetet: Leposavic, Zveçan, Zubin Potok, kanë vënë (ngjitur) postera me foton e Milan Radoicic dhe me përmbajtje të nxitjes së përçarjes dhe mos durimit. Posterat janë marre si prove materiale. Lidhur me rastin është informuar prokurori”, thuhet në raportin e sotëm të Policisë së Kosovës.
Bëhet e ditur se rasti po trajtohet si “Nxitje e përçarjes dhe mos durimit”.
Policia e Kosovës ka nisur hetimet pas shfaqjes së disa pamfleteve që përmbajnë mesazhe kërcënuese në komunat veriore. Zëvendësdrejtori i Policisë për veriun, Veton Elshani, dje, ka konfirmuar se pamfletet janë hasur në disa lokacione në veri.
