Autoritetet e Koresë së Veriut “sigurojnë sasi të mëdha municionesh artilerie dhe kjo është kritike për ne”, tha gjenerali Budanov, duke shtuar se Ukraina nuk mund të bënte asgjë për këtë për momentin.
Shtetet e Bashkuara dhe Koreja e Jugut kanë akuzuar Phenianin se ka furnizuar Rusinë me municion dhe raketa për të mbështetur pushtimin e saj në Ukrainë, i cili ka vazhduar që nga shkurti i vitit 2022.
Pheniani i mohon akuzat, por instituti i kërkimit të “Conflict Armament Research” tha këtë javë se analizat e mbeturinave treguan se “raketat e prodhuara këtë vit në Korenë e Veriut po përdoren në Ukrainë”.
Budanov beson se Rusia do të përpiqet t’i japë fund luftës “para vitit 2026”. për të shmangur dobësimin e pozitave të saj për shkak të akumulimit të problemeve ekonomike, veçanërisht për shkak të sanksioneve perëndimore dhe problemeve të mobilizimit të shoqëruara me humbje të konsiderueshme në front.
