Rreth 9,000 pushkë sulmi IWI Arad të blera për 13 milionë dollarë janë shpërndarë në komunitete, së bashku me 5,000 armë të blera në fillim të luftës aktuale, tha Ministria e Mbrojtjes në një deklaratë.
Drejtori i Përgjithshëm i Ministrisë së Mbrojtjes Eyal Zamir thotë se blerja është pjesë e një projekti në vazhdim “për të forcuar njësitë e mbrojtjes civile që luftuan me guxim më 7 tetor”.
“Ekipet civile” u përfshinë në luftimet në jug të Izraelit gjatë sulmit të Hamasit të 7 tetorit përpara se të arrinin forcat e sigurisë. Për këto arsye, Ministria e Mbrojtjes e Izraelit nisi një projekt për forcimin e këtyre njësive.
“Pas ripajisjes së komuniteteve pranë kufirit të Gazës, ne tani po kompletojmë pajisjen me armë të 100 njësive të mbrojtjes civile në veri, duke përfshirë Aradin – një armë e avancuar e zhvilluar në Izrael”, tha Zamir.
