Deklarata e zëdhënëses së Ministrisë së Punëve të Jashtme ruse, Maria Zakharova, se mbështet kërkesat e presidentit të Serbisë për Kosovën , nxjerr në pah disa mesazhe, thelbi i të cilave është se Moska në këtë moment ka më shumë nevojë për Vuçiqin se sa Moska – Vuçiqit, ka thënë analisti Milomir Mandiq nga Demostat për Danas.
– Domethënë, nëse analizojmë me kujdes, kërkesat e Beogradit nuk shkojnë përtej kornizës së Marrëveshjeve të Brukselit, pra planit franko-gjerman, të cilin Zaharova e mbështet qartë në deklaratën e saj – thotë e intervistuari i Danas.
Sipas tij, që nga fillimi i luftës në Ukrainë, Rusia dhe mbi të gjitha Vladimir Putin i janë referuar disa herë precedentit të Kosovës dhe thekson se kështu do të vazhdojnë.
– Në fakt, modeli i planit franko-gjerman është shumë i pranueshëm për ta dhe ata do të donin të kishin një marrëveshje të tillë midis Kievit dhe rajoneve separatiste në Ukrainë. Sado që dikujt t’i duket, marrëdhënia e Kremlinit me Vuçiqin dhe autoritetet në Beograd është e qëndrueshme për disa arsye. Kremlini është i vetëdijshëm se në rrethanat dhe situatën aktuale në të cilën ndodhet Rusia. ata nuk mund të gjejnë një partner më të fortë në Serbi se Vuçiq dhe kështu do të mbetet edhe në periudhën e ardhshme, në afat të mesëm. Vuçiqit në këtë moment i duhet Moskës më shumë se Moska -Vuçiqit – përfundon Milomir Mandiq.
