Presidenti i Serbisë, Aleksandar Vuçiq, i ka dorëzuar sot në mbrëmje Përfaqësuesit të Përhershëm të Rusisë në Kombet e Bashkuara, Vasilij Nebenzja, Urdhrin e flamurit serb të shkallës së parë.
Vuçiq ia dorëzoi medaljen diplomatit rus në misionin serb në OKB në Nju Jork për shërbime speciale në zhvillimin e marrëdhënieve ndërkombëtare dhe forcimin e bashkëpunimit paqësor dhe marrëdhënieve miqësore ndërmjet Serbisë dhe Rusisë.
Presidenti i Serbisë i ka ndarë me Urdhrin e flamurit serb të shkallës së dytë deputetet e Përfaqësueses së Përhershme të Rusisë në OKB, Anna Yevstigneev dhe Marija Zabolockaj, të cilave edhe sonte ua ka ndarë çmimet, njofton Kosova Online.
Me shprehje mirënjohjeje, Nebenzja tha se diplomatët rusë janë nderuar për shkak të çmimeve, e veçanërisht për shkak se janë ndarë nga presidenti i Serbisë.
“Serbia dhe Rusia janë të lidhura me marrëdhënie afatgjata, por jo vetëm marrëdhënie, por miqësi dhe vëllazëri. Ne e vëzhgojmë botën nga të njëjtat pozicione, mbrojmë të njëjtat vlera dhe parime, që vlen edhe për Kosovën dhe Metohinë”, tha Nebenzja.
Duke kujtuar lidhjet historike mes dy vendeve, Nebenzja tha se Rusia do të jetë në anën e Serbisë në luftën e drejtë të popullit serb.
Vuçiq në ditët në vijim do t’u dhurojë çmime përfaqësuesve të të gjitha vendeve që ndihmuan Serbinë për rezolutën për Srebrenicën.
