Ministria e Kulturës, e Rinisë dhe e Sportit ka bërë me dije se kanë filluar përgatitjet e Filarmonisë së Kosovës për hapjen e sezonit 2024/2025.
Sipas njoftimit, Orkestra e Filarmonisë së Kosovës, në hapjen e sezonit të ri dhe në ditëlindjen e saj të 24-të, do të sjellë një koncert madhështor, i cili mbahet të premten, prej orës 19:30, në sallën AMC. Nën drejtimin e dirigjentit japonez Toshio Yanagisawa, do të interpretohet Simfonia Nr. 1 nga Mahler (Premierë kosovare) dhe tri vepra simfonike nga Lorenc Antoni.
“Ky koncert i përmasave të mëdha ka sjellë në Prishtinë instrumentistë nga Shqipëria, Maqedonia e Veriut, Turqia dhe Zvicra të cilët i janë bashkuar instrumentistëve të Filharmonisë së Kosovës , thuhet në njoftimin e këtij institucioni në Facebook. /Kosovatimes/
