Trajneri i Barcelonës, Hansi Flick, ka thënë se beson te aftësitë e Inaki Pena për ta zëvendësuar Marc-Andre ter Stegen në portë.
Barcelona për disa muaj do të jetë pa portierin gjerman, i cili tashmë i është nënshtruar operacionit, pas lëndimit në ndeshjen ndaj Villarrealit në La Liga të dielën, përballje që katalanasit e kanë fituar me rezultat 5-1.
Njëzet e pesë vjeçari Pena deri tash ka bërë njëzet e tri paraqitje me ekipin e parë.
“Jemi të sigurt, por gjithashtu duhet të shohim çfarë do të bëjmë sepse lojtarët në mbrojtje janë shumë të rinj. Për momentin, nuk ndihemi nën presion dhe kemi besim te Inaki. Do të shohim çfarë do të ndodhë. Do të flasim me trajnerin e Spanjës, Luis de la Fuente, i cili ka trajnuar portierë të klasit botëror për shumë vite. Ai do të jetë personi i parë me të cilin do të flas”, është shprehur Flick.
Barça e ka nisur sezonin në La Liga nën drejtimin e Flick në mënyrën më të mirë, me gjashtë fitore radhazi, duke bërë që të jetë në krye të tabelës, katër pikë para Real Madridit që ndodhet në vendin e dytë.
