Sot janë mbushur një vit nga rënia e heroit Afrim Bunjaku. Rreshteri policor Afrim Bunjaku u vra nga një sulm terrorist në veri të vendit, nga bandat kriminale serbe, të armatosura e të maskuara në fshatin Banjskë të Zveçanit.
Për këtë rast nesër do të mbahet seanca gjyqësore fillestare çështjen penale të sulmit terrorist në Banjskë.
Prokuroria Speciale e Kosovës ka ngritur aktakuzë ndaj 45 personave në krye me Milan Radoiçiqin, për sulmin e 24 shtatorit në Banjskë.
Avokati Artan Çerkini, tha për ‘Lajmet e Fundit”, në RTK, tha se aktakuza është përgatitur pas hetimeve intensive dhe hetimet nuk kanë qenë të lehta.
“Tereni i hetimeve nuk ka qenë shumë paqësor, ky rast është shumë kompleks, është sukses i prokurorisë që brenda një viti të hartohet një aktakuzë dhe të dërgohet në gjykatë”, tha ai.
Sipas tij, nga hetimet shihet se bëhet fjalët për një operacion shumë kompleks dhe qëllimet e grupit terroristë kanë pasur cenimin e rendit kushtetues të Republikës së Kosovës.
