Gjykata Speciale ka njoftuar se është hedhur poshtë kërkesa e mbrojtjes se Isni Kilajt për t’i ndryshuar kushtet e lirimit të klientit të tyre, në mënyrë që ai të ketë mundësi që të udhëtojë për në Shqipëri.
Gjykata Speciale ka njoftuar se gjykatësja e vetme ka hedhur poshtë kërkesën për ndryshimin e kushteve të lirimit të Isni Kilajt.
“Në versionin publik të vendimit të dorëzuar më 24 shtator 2024, gjykatësja e vetme në çështjen Isni Kilaj hodhi poshtë kërkesën e mbrojtjes për ndryshimin e kushteve të lirimit të Isni Kilajt, të cilat ishin përcaktuar në maj të këtij viti”, njofton Specialja.
Po ashtu bëhet e ditur se mbrojtja kërkoi ndryshimin e përkohshëm të kushteve aktuale për ta lejuar atë të udhëtojë në Shqipëri, mirëpo gjykatësja Marjorie Masselot, përcaktoi se ndryshimet e propozuara nuk do të trajtonin mjaftueshëm rreziqet ekzistuese të përshkruara në bazë të Ligjit. /Kosovatimes/
