Bayer Leverkusen duhet të luajë në nivelin më të lartë për të marrë diçka nga ndeshja me Bayern Munich, ka thënë trajneri Xabi Alonso.
Dy skuadrat takohen të shtunën në kuadër të Bundesligës. Bayern ka fituar të katër ndeshjet e këtij sezoni dhe kryeson tabelën me dymbëdhjetë pikë, tri më shumë se Leverkusen që renditet i dyti.
“Presioni është i madh dhe duam të tregojmë një lojë të mirë. Na duhet një performancë e përkryer për të marrë diçka nga kjo ndeshje”, ka thënë Alonso gjatë një konference për shtyp të premten. “FC Bayern ka bërë një fillim të shkëlqyer të sezonit, do të jetë një sfidë nesër”.
Pas ndeshjes me Bayern, Leverkusen do të përballet me një tjetër sfidë të madhe të martën, duke pritur skuadrën italiane Milan në Champions League.
