Policia ka arrestuar një punëtore në Prishtinë, pasi e njëjta gjatë punës së saj në një kompani private të sigurimit ka fituar kundërligjshëm mijëra euro.
“Është arrestuar e dyshuara femër kosovare nën dyshimin se e njëjta në cilësinë e zyrtares në një kompani private të sigurimit, gjatë ushtrimit të detyrës kishte përfituar kundërligjshëm një shumë prej dhjetëra mijë euro”, thuhet në njoftim e policisë.
Policia njofton se me vendim të prokurorit, e dyshuara pas intervistimit është dërguar në mbajtje.
