Dy zjarre të veçanta në qytetin gjerman perëndimor të Essenit plagosën dje rreth 30 persona, përfshirë dy fëmijë të vegjël në gjendje kritike për shkak të thithjes së tymit, thanë autoritetet lokale.
Policia njoftoi se është arrestuar një 41-vjeçar sirian nga Essen, i cili është i lidhur me zjarret. Burri është gjithashtu i lidhur me incidentin që përfshin një furgon që u përplas në dy dyqane, tha zëdhënësi i policisë. Askush nuk u lëndua nga incidenti, shtoi ai.
Autoritetet po shqyrtojnë pamjet
Arrestimi u bë pranë dy dyqaneve. Policia tha se nuk mund të jepte detaje për të dyshuarin apo motivet e tij. Zjarret kanë rënë në dy shtëpi në një distancë të shkurtër, gjë që ka shkaktuar reagim të gjerë nga shërbimet emergjente, tha policia.
Të lënduarve iu është dhënë kujdes mjekësor dhe disa janë dërguar në spital, tha zëdhënësi i policisë. Në mesin e tetë fëmijëve të plagosur rëndë janë dy të vegjël gjendja e të cilëve është ende kritike për shkak të thithjes së tymit, thanë zjarrfikësit.
Një zëdhënës i policisë nuk pranoi të komentojë mbi raportet se burri kishte kërcënuar dikë me thikë dhe hanxhar. Autoritetet po shqyrtojnë pamjet që qarkullojnë në mediat sociale, shtoi ai.
