Shkruan: Gani QARrI
I sigurt në kontributin dhe punën e vet, z. Peci fton ish-kolegët e tij të zgjedhin edhe ditën, orën dhe studion, ata zgjedhin heshtjen dhe struken si miu në birucë.
Edhe pse, faktikisht si vend jemi ende herët për startimin e fushatës zgjedhore, deklarimet propaganduese të partive të inkriminuara opozitare, duket se kanë detyruar Ministrin e Bujqësisë, Pylltarisë dhe të Zhvillimit Rural, Faton Peci, që tu bëjë ftesë publike ish-ministrave të bujqësisë, duke filluar me Blerand Stavilecin, Memli Krasniqin, Nenad Rikallon, Dijana Zhiviqin dhe Besian Mustafën, për një debat të hapur dhe përmbajtësor televiziv para qytetarëve dhe opinionit publik vendor.
Z. Faton Peci, duke marrë në konsideratë, se secili ministër, në mandatet e veta, është shquar për diçka, tha se ftesën për debat, drejtuar të gjithë ish ministrave e bënë për kthimin në kujtesë të të gjitha shkollat qeverisëse dhe vënien në funksion të ballafaqimit me të vërtetën, në mënyrë që në vend të deklaratave të pabazuara paraelektorale, të bëhet publikisht krahasimi i rezultateve më të prekshme në sektorin e bujqësisë, duke u përballur me faktet reale, në të gjitha fushat tematike të Qeverisë Kurti 2! Kështu që i sigurt në kontributin dhe punën e vet, z.Peci fton ish-kolegët e tij të zgjedhin edhe ditën, orën dhe studion televizive për të diskutuar me argumente dhe ballafaquar me të vërtetën duke krahasuar rezultatet konkrete në sektorin e bujqësisë dhe vënë në pah të arriturat e mandatit të tij në Qeverinë aktuale.
Mirëpo në përpjekje për të marrë përgjigje nga Kosova Times prej ish ministrave ata kanë zgjedhur heshtjen, madje asnjëri prej tyre, përkundër fjalëve të mëdha në kuadër të propagandës paraelektorale dhe partiake, nuk ka dashur që të deklarohen rreth kësaj sfide, fakt ky, i cili nënkupton publikisht frikën e tyre, për t’u ballafaquar para publikut me realitetin dhe dështimet e pushtetarëve të inkriminuar e të korruptuar.
