Federata e Pingpongut e Kosovës, nga 24 tetor deri me 1 nëntor, do të jetë organizatore e dy aktiviteteve botërore të pingpongut: ‘’WTT Youth Contender Prishtina 2024’’ për të rinj dhe ”WTT Feeder Prishtina 2024” për të rriturit. Për të dyja aktivitetet, pjesëmarrjen e kanë konfirmuar 190 sportistë nga 36 shtete. Këto dy ngjarje, përveç më 2024, do të mbahen edhe në katër vitet e ardhshme, pasi FPPK-ja ka arritur Marrëveshje me WTT-në që të jetë nikoqire edhe për katër vitet e ardhshme.
Në turneun për të rinj “WTT Youth Contender Prishtina 2024”, që do të organizohet nga 24 deri 27 tetor, pjesëmarrjen e kanë konfirmuar 103 lojtarë nga 15 shtete, duke përfshirë këtu edhe lojtarët më të mirë të Kosovës për secilën grup-moshë. Garat për të rinjë, do të organizohen në 5 disiplina individuale dhe në 2 për çifte për meshkuj dhe për femra, si në vijim:
- Individuale për U11
- Individuale për U13
- Individuale për U15
- Individuale për U17
- Individuale për U19
- Çifte të përziera U15
- Çifte të përziera U19
Garat për të rinjë do të jetë si uverturë për ngjarjen kryesore, atë për të rritur “WTT Feeder Prishtina 2024” që do të fillojë me 29 tetor dhe do të përfundojë më 1 nëntor. Për këtë garë, pjesëmarrës do të jenë 87 pingpongistë nga 32 shtete, duke përfshirë këtu edhe lojtarët më të mirë të Kosovës.
Marrë parasysh që gara mbahet për herë të parë në Kosovë, interesimi i lojtarëve të nivelit botërorë, i ka tejkaluar pritshmëritë e nikoqirit dhe të ekspertëve të jashtëm të WTT, pasi 5 nga lojtarët e paraqitur janë nga 100 lojtarët më të mirë të renditjes botërore. Kjo do të kontribuojë që turneu do të përshkohet me ballafaqime të forta e cilësore, që do ti kënaqë shijet e dashamirëve të pingpongut.
Për turneun e të rriturve, fondi i shpërblimeve arrin shumën totale 22 500 USD, që është dedikuar për më të mirët në këto disiplina:
- Individuale Meshkuj
- Individual Femra
- Çifte Meshkuj
- Çifte Ferma
- Çifte të përziera
Ne ju ftojmë të jeni pjesë e këtyre eventeve dhe të ndiqni zhvillimet interesante që do të ndodhin gjatë këtyre ditëve.
Për më shumë informata lidhur me kohën e mbetur deri të fillimi i aktivitetit, listën e pjesëmarrësve, shortin dhe të dhëna tjera më të hollësishme, ju ftojmë të klikoni në këto linqe:
