Bekim Salihu nga Instituti GAP, duke folur për nivelin e përmbushjes së premtimeve zgjedhore të kryetarëve të komunave për mandatin 2021-2025, tha se nga ky institut janë evidentuar 1816 premtime parazgjedhore në 20 komuna të Kosovës dhe janë realizuar rreth 42 për qind e premtimeve, që shndërruar në numra, janë realizuar rreth 800 premtime parazgjedhore të përmbushura plotësisht.
“Kjo nënkupton se kemi një ecuri relativisht të kënaqshme në përmbushjen e premtimeve. Mirëpo mbetet edhe një numër i madh i tyre që pritet të vlerësohen nëse do të përmbushen gjatë periudhë së mbetur deri në gusht të vitit të ardhshëm”, deklaroi Slaihu, në “InfoPlus”, në RTK.
Ai më tej foli për komunën e Prishtinës, ku sipas tij, është komuna që më së shumti ka dhënë premtime parazgjedhore, nga 206 premtime, në fund të qershorit të këtij viti, janë përmbushur vetëm 43 prej tyre.
Megjithatë mund të vlerësohen pozitivisht përmbushjet e premtimeve në shëndetësi dhe në administratë, por jo në fushën e infrastrukturës, ku prej 47 premtime janë përmbushur vetëm 4 prej tyre, ndërkohë që, sipas Salihut, ka premtime që ende nuk kanë filluar të sendërtohen.
Tutje, ai foli për mosmiratimin e buxhetit të asamblistëve të Komunës së Prishtinës, që sipas tij, është hera parë që kjo ka ndodhur. Ai tha se në spektrin e qeverisjes komunale në Kosovë, praktikisht ka ndodhur dy raste kur dështon miratimi I buxhetit: kur kryetari i komunës refuzon ta dërgojë për miratim buxhetin, si dhe anasjelltas, kur Kuvendi refuzon ta miratojë buxhetin e përcaktuar nga kryetari i komunës.
Salihu, tutje vuri në dukje se në rastin konkret, Kuvendi i Komunës së Prishtinës nga sot ka ngelur pa buxhetin e vitit 2025 dhe, sipas tij, me automatizëm i takon buxheti i këtij viti, që nënkupton se planifikimet e parapara për vitin e ardhshëm bien, ndërkohë që theksoi se shtoi se nëse buxheti i njëjtë nuk miratohet deri më 31 mars, atëherë Kuvendi Komunal shpërndahet dhe organizohen zgjedhjet të parakohshme.
Nga ky mosmiratim i buxhetit, sipas Salihut Komuna e Prishtinës humb rreth 9 milionë euro, por që, sipas tij, dëmi më i madh që i shkaktohet Komunës së Prishtinës është bllokimi i procedurave.
Ndërkaq lidhur me realizimin e premtimeve parazgjedhore te kryetarëve të komunave gjatë periudhës 2021-2025, Salihu tha se në disa raste janë të kuptueshme mosrealizimi i premtimeve për shkak të pengesave të shpenzimeve buxhetore apo planifikime të tjera financiare.
Tutje, Salihu foli për metodologjinë e vlerësimeve të premtimeve të kryetarëve të komunave, në : të përfunduara, gjysmë të përmbushura, të filluara dhe premtime të cilat ende nuk kanë filluar.
Ai u shpreh kritik në disa raste kur kryetarët e komunave po i marrin si të gjysmë të përmbushura dhe të filluara dhe i konsiderojnë si të përmbushura, gjë që Instituti GAP nuk e konsideron si të saktë.
