Trajneri i Aston Villa, Unai Emery, ka thënë se përballja me Bayern Munich në Champions League është një mundësi e mirë për të treguar se Villa mund të konkurrojë me një nga ekipet më të mira të Evropës.
Dy skuadrat takohen të mërkurën. Bayern vjen në këtë ndeshje pas një fitore të thellë kundër Dinamo Zagreb, ndërsa Aston Villa pas triumfit ndaj Young Boys.
“Është një ndeshje shumë, shumë speciale për të gjithë”, ka thënë Emery gjatë konferencës për shtyp të martën. “Të luash në Evropë, jemi shumë të lumtur që përballemi me Bayernin në shtëpi dhe shpresojmë të shijojmë ndeshjen e nesërme. Shpresojmë që të konkurrojmë dhe të tregojmë më të mirën tonë kundër tyre.”
