Pesë raste të dhunës në familje janë shënuar në 24 orët e fundit në nivel vendit. Rastet kanë ndodhur në Fushë-Kosovë, Prishtinë, Gjilan dhe Vushtrri.
Policia ka bëjë të ditur se në Fushë-Kosovë, si pasojë e një mosmarrëveshje janë rrahur mes vete tre të dyshuar, një mashkull dhe dy femra kosovare.
“Lidhur me rastin tre të dyshuarit janë intervistuar dhe pas intervistimit me urdhër të prokurorit janë liruar”, thuhet në njoftim.
Në Prishtinë është raportuar se viktima femër kosovare është sulmuar fizikisht nga i dyshuari mashkull kosovar i cili ndodhet në arrati. Rasti, sipas policisë është duke u hetuar.
Gjithashtu në Prishtinë është raportuar se pas një mosmarrëveshje e dyshuara femër kosovare ka ushtruar dhunë fizike ndaj viktimës femër kosovare.
“Palët janë intervistuar dhe me urdhër të prokurorit rasti vazhdon në procedurë të rregullt hetimore”, thekson policia.
Kurse në Gjilan, sipas policisë, ka ndodhur një rast dhune në familje.
“Në konsultim me prokurorin është iniciuar rasti dhe personi i dyshuar mashkull kosovar është arrestuar dhe është dërguar në mbajtje”, thekson policia.
Edhe në Vushtrri është raportuar se viktima femër kosovare është sulmuar fizikisht nga i dyshuari mashkull kosovar.
“Palët janë intervistuar dhe me vendim të prokurorit i dyshuari është arrestuar dhe dërguar në mbajtje, ndërsa viktima me dëshirën e saj ka shkuar tek familjarët e saj, rasti vazhdon të hetohet”, njofton policia.
