Policia e Kosovës ka bërë të ditur se me autorizim nga organet e drejtësisë ka shpallur në kërkim tre shtetas të Shqipërisë të dyshuar për veprat penale lidhur me narkotikë.
Të dyshuarit janë Engjellush Ibrahimi, i lindur më 04.08.1985, në fshatin Pojan, Erion Etemaj, i lindur më 20.01.1990, në fshatin Shushicë, dhe Eldi Mykaj, i lindur më 06.12.1997, në Ballsh.
Sipas policisë, këta persona kërkohen nën dyshimin për përfshirje në veprat penale ‘Kultivimi i bimës së hashashit, shkurres së kokainës ose bimëve të kanabisit’ dhe ‘Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge’.
Policia ka kërkuar nga qytetarët që posedojnë informata lidhur me vendndodhjen e këtyre personave të njoftojnë stacionin policor më të afërt ose përmes numrave kontaktues. /Kosovatimes/
