Komandanti i i ri i misionit të NATO-s në Kosovë, KFOR, ka mbërritur në Kosovë. Gjeneralmajor Enrico Barduani nga Italia do ta marrë detyrën e re më 11 tetor në një ceremoni në shtabin e KFOR-it në Prishtinë.
KFOR-i, ka njoftuar se Barduani u prit nga ambasadori italian në Kosovë, Antonello De Riu.
Gjeneralmajor Barduani do të jetë komandanti i 29-të i KFOR-it. Ai do të pasojë gjeneralmajorin Ozkan Ulutash nga Turqia.
Barduani do të jetë gjenerali i 14-të italian që komandon misionin e KFOR-it. Ai ka pasur karrierë të gjatë si brenda dhe jashtë Italisë. Posti i tij i fundit ishte në kabinetin e ministrit të Mbrojtjes së Italisë, Guido Crosetto, ku shërbeu si shefi i politikës së mbrojtjes. /Kosovatimes/
