Mediat iraniane kanë publikuar një video të momentit të sulmit izraelit në bunkerin e Hezbollahut në Bejrut të Libanit, ku u vra kreu i milicisë shiite, Hassan Nasrallah javën e kaluar.
U përdorën 80 tonë eksploziv
Në një seri sulmesh izraelite, shumë udhëheqës të lartë të grupit militant libanez u vranë, pajisjet e tij elektronike u hodhën në erë dhe një pjesë e arsenalit të tij të madh të raketave u shkatërrua.
Forcat Ajrore izraelite goditën bunkerin me rreth 80 tonë eksploziv, shkruan Wall Street Journal. Sulmi përdori një seri shpërthimesh të lidhura me zinxhirë për të thyer një bunker nëntokësor, tha një zyrtar i lartë ushtarak izraelit.
Vrasja e Nasrallahut shkaktoi një reagim nga Irani, i cili mbështet Hezbollahun. Qindra raketa u hodhën drejt Izraelit të martën dhe përshkallëzimi në Lindjen e Mesme po rritet dita ditës.
