Rizoto me kërpudha është një nga pjatat e preferuara të vjeshtës, sidomos kur kemi mundësinë t’i mbledhim vetë këto fruta të shijshme. Përgatitni rizoto në këtë mënyrë, nuk do të zhgënjeheni!
Përbërësit:
1 qepë
2 lugë të mëdha vaj ulliri
450 gr kërpudha (të prera në feta)
350 gr oriz
150 ml verë të bardhë të thatë
1 l lëng perimesh
25 gr gjalpë
3 lugë djathë parmixhano (i freskët i grirë)
Përgatitja:
Në zjarr të ulët kaurdisim në vaj ulliri qepën e grirë hollë derisa të jetë e butë dhe e karamelizuar. Rriteni zjarrin dhe shtoni kërpudhat. Prisni 3-4 minuta derisa të marrin një ngjyrë kafe të lehtë. Shtoni orizin në tigan dhe përzieni mirë. Shtoni verën dhe përzieni vazhdimisht derisa vera të avullojë përgjysmë. Gjatë kësaj kohe ziejmë ngadalë lëngun e perimeve dhe orizin e shtojmë pak nga pak lëngun e perimeve. Gatuani dhe përzieni derisa të përthithet lëngu. Vazhdoni të shtoni lëngun në të njëjtën mënyrë, duke e përzier vazhdimisht, derisa të harxhohet dhe orizi të zbutet. E heqim tiganin nga zjarri, i përziejmë gjalpin dhe parmixhanin dhe e shërbejmë të nxehtë.