Një shpërthim në një shkollë fetare gjatë lutjeve në provincën Samangan të Afganistanit verior ka vrarë 15 persona, tha një zëdhënës provincial.
Të paktën 20 persona u plagosën në shpërthimin në kryeqytetin e provincës Ajbak, tha zëdhënësi i qeverisë provinciale Samangana, Emdaduli Muhajir.
“Shpërthimi ka ndodhur rreth orës 12:45 në medresenë Jahdija në qendër të qytetit. Në këtë medrese (shkollë fetare) studiojnë shumë djem”, tha ai.
Nuk dihet ende se kush qëndron pas shpërthimit. Muhajir tha se një hetim kishte filluar dhe zëdhënësi i ministrisë së brendshme Abdul Nafi Takor konfirmoi shpërthimin.
Forcat tona të sigurisë po punojnë për identifikimin e autorëve të këtij krimi të pafalshëm dhe nxjerrjen e tyre para drejtësisë”, tha Takor.
Talibanët thonë se janë të përqendruar në mbajtjen e vendit të shkatërruar nga lufta që kur morën pushtetin vitin e kaluar, por ka pasur disa sulme në muajt e fundit, duke përfshirë sulme në xhami, disa të pretenduara nga Shteti Islamik.
