Policia e TUZLA-s është në kërkim të një gruaje që dyshohet se ka vrarë mbrëmë vajzën e saj 31-vjeçare. Sipas informacioneve jozyrtare, pas atij akti ajo ka lënë dy letra lamtumire dhe ka ikur.
Një burrë pak pas mesnate e ka gjetur trupin e pajetë të vajzës së tij 31-vjeçare FM në shtëpinë e familjes në vendbanimin Tušanj në Tuzla dhe hetuesit aktualisht janë duke i përcaktuar të gjitha rrethanat, shkruan Klix.
Rastin në polici e ka denoncuar babai, ndërsa hetuesit deri më tani kanë konstatuar se 31-vjeçarja ka një lëndim në pjesën e pasme të kokës. Prokurori ka urdhëruar autopsinë e trupit për të përcaktuar zyrtarisht shkakun e vdekjes.
Sipas informacioneve jozyrtare që ka marrë Klix.ba nga hetimet, gjithçka tregon se vdekja është shkaktuar nga dhuna, përkatësisht plagosja është shkaktuar nga një çekiç.
Burimi i tyre bëri me dije se e dyshuara për vrasjen është nëna e 31-vjeçares, e cila dyshohet se është larguar nga shtëpia pas krimit. Ajo ka lënë edhe dy letra lamtumire dhe policët janë në kërkim intensiv.
Dnevni Avaz mësoi se vajza e vrarë ishte e sëmurë rëndë.
