Mbrojtësi i Real Madridit, Eder Militao, do të mungojë në ndeshjet kualifikuese të Brazilit për Kupën e Botës kundër Kilit dhe Perusë këtë muaj për shkak të një lëndimi, ka njoftuar Federata e Futbollit e Brazilit.
Brazili gjendet në vendin e pestë në kualifikimet e Amerikës së Jugut për Kupën e Botës, me 10 pikë nga tetë ndeshje, ndërsa gjashtë ekipet e para kualifikohen drejtpërdrejt.
“Testet e kryera këtë të dielë… zbuluan një lëndim të vogël muskulor, që do ta pengojë të luajë,” thuhet në njoftimin e Federatës braziliane. “Fabricio Bruno nga Flamengo është thirrur për të zëvendësuar Militaon”.
