Kombëtarja e Kosovës U17 ka pësuar humbje në ndeshjen e parë të Grupit 4 në kualifikimet për UEFA Championship U17, duke u mposhtur nga Ukraina me rezultat 4:2.
Ndeshja ka nisur shumë mirë për “Dardanët”, të cilët kaluan në epërsi qysh në minutën e katërt me golin e Rin Ahmetit. Vetëm tetë minuta më vonë, Lirjon Abdullahu e ka dyfishuar epërsinë. Megjithatë, Ukraina ka reaguar shpejt dhe ia ka arritur ta barazojë rezultatin brenda pak minutash. Dmytro Zudin (16′, 25′) ka shënuar dy gola, ndërsa Pavlo Luisin ka realizuar për epërsinë ukrainase. Në minutën e gjashtëdhjetë e dytë, Luisin ka shënuar golin e tij të dytë, duke vulosur rezultatin përfundimtar 4:2 në favor të Ukrainës.
Ndeshjen e ardhshme, Kosova U17 do ta luajë më 12 tetor kundër Belgjikës, ndërsa më 15 tetor do të përballet me Kazakistanin. /Kosovatimes/
